حبك مات عدنه احنه ودفّناه
و ثوب اسود لبسنه احنه و حزان
نحزن مو عليك انت حرامات
ما نحزن على الباعو هوانه
نحزن عل مضه من ايامنه الحلوات
وخلينه الفرح يركض ورانه
عفنه هوايه لأجلك وانت ماحسيت
و لأجل عينك تحملنه المهانه
وتالي بكل صلافه تخون الاحساس
وتطعنّه ابرود و من ورانه
جنت طير وترفرف فوك غيم الشوگ
أطلع بره هسه متريدك سمانه
شلت كتاب حبك من رفوف العين
يل كتابك طلع ولايسوه هوانه
واذا روحي تحن راح اكتل الروح
.وبيدي وداعتك انه اكتل انه
ليست هناك تعليقات:
إرسال تعليق