أيام البعد

ايام البعد جبناهه صفنــــات
بيــــن آمالنه
وحيرت امرنه
تجي لوما تجي گضينا الأيام
وصرنه وياهو يدري
شلون صرنه؟!!
صبرنه متاع صار وبعدك بعيد
وتجوع ايامنا
وتآكل صبرنه ..
شبعد يالماتمر مو كافي الغياب
وصار اهواي ننتظرك تمرنه …
ونذرنالك تجي وندعيلك اتعود
وعمت سچينه
وشيب نذرنــــه
وعلى غيرك چذب ماترهم الروح
ومن غيرك يسد حاجة نظرنــه
يابن الناس غيرك…
ماكو موضوع…
وهلبت بالچذب شخصك ذكرنه
نسولف بيك…
لآخر لحظه بالليل
وترد من الصبح تشغل فكرنـــه
ماصاحت عليك
بساعة غروب…
روحك واشتهت تسمع خبرنـــه
ياروح الگلب
ياعزة الروح…
يادمعاتنه وهمنه وسهـــــــرنـــه
يااول عهد…
ياتالي الأيــــــام
يلعب اصبانها وشيبة كبرنـــــــه
اشگد گبلك مشو
ما سلو الروح
ولابغيابهم كســــــرو ظهرنـــه
البعد نيران كبره تبخر الدموع
وبس اتزود يتبخر بصرنـــــه
منين انجيب مثلك
حتى ننساك!!
ومنو المثلك يعوضك لوخسرنه
الشبه كل اربعين ..
احچايه تنگال
واذا واحد يصح جان انتظرنه
تعال الجرح..
  ون ومارضه يهيد!!
وحچينه وياه ماينفع عذرنـــــه
يشگ روحه اعله
طوله وينكت جروح …
وگضينه اخيوطنه وملت ابرنه
شوكت يندگ علينه
ويضحك الباب…
ويترس بيتنه وصوتك يسرنه
وترد انته ويجن
الراحن وياك…
وتجيبه وياك يا لماخذعمرنه